Ka javë të tëra që emri i Pep Guardiolës po përmendet për një transferim të mundshëm në Serie A dhe në gjithë këtë lëmsh që është krijuar duket se ka diçka të vërtetë.
Siç raporton e përditshmja spanjolle Diario Gol, skuadra e Milanit tashmë ka filluar kontaktet e para me trajnerin spanjoll i cili mund të jetë i gatshëm për një aventurë të re në Itali.
Në fakt këtë sezon Milani ka pësuar një rritje të madhe dhe një trajner si Guardiola mund ta ndihmojë shumë skuadrën e Rossonerëve për të arritur në majat europiane ku ishte vite më parë.
Problem është edhe prezenca e Ibrahimovic pasi dihen raportet jo të mira mes tij dhe trajnerit spanjoll qysh prej kohës kur ishin së bashku tek Barcelona.
