Massimiliano Allegri ka gati goditjen e parë për merkaton e verës.
Me rikthimin e Allegrit në stol, te Juventus priten ndryshime të mëdha gjatë kësaj vere.
Italiani ka filluar të punojë për skuadrën e sezonit të ardhshëm dhe primare për të është revolucioni në vijën e mesfushës.
Vija e mesfushës është pika më e dobët për momentin dhe Allegri ka piketuar përforcimin e parë.
Calcio Mercato, raporton se Allegri ia ka kërkuar Agnellit transferimin e Dani Ceballos nga Reali.
Ceballos do të rikthehet te Reali, pasiqë Arsenali nuk do ta shfrytëzojë opsionin e blerjes, mirëpo spanjolli nuk bën pjesë në planet e Ancelottit.
24-vjeçari ka kontratë me Realin deri në vitin 2023, ndërsa për kartonin e tij Juventus do të paguaj 25 milionë euro.
