Jose Mourinho nuk po ndalet aspak në merkato pasi po kërkon të përforcojë skuadrën e tij sa më shumë që të mundet këtë verë dhe tashmë ka gati objektivin e ri.
Pas dëmtimit të Davide Spinazzolas, Giallorossët po kërkojnë që të përforcojnë repartin e tyre të majtë të mbrojtjes.
La Gazzetta dello Sport bën të ditur që Special One i ka kërkuar drejtuesve të skuadrës së tij që të punojnë në transferimin e Robin Gosens nga Atalanta.
Mirëpo një gjë e tillë nuk duket lehtë e arritshme pasi gjermani ka një vlerë në merkato rreth 40 milionë euro.
Cristiano Biraghi dhe Marcos Alonso janë dy emrat e tjerë që mund të zënë vendin e Spinazzolas nëse Gosens nuk do arrijë të transferohet.
