Antonio Conte është zgjedhur tekniku i ri i skuadrës së Tottenham.
Si çdo herë kur nënshkruan me një skuadër të re, italiani ka marrë garanci për projektin e tij dhe fonde të mëdha në merkato.
Siç bën të ditur e përditshmja italiane La Repubblicca, italiani do të kërkojë transferimin e 3 yjeve të Serie A.
Në këtë mënyrë skuadra londineze do të tentojë transferimin e Dusan Vlahovic, Stefan de Vrij dhe Alessandro Bastoni dhe për këto transferime Tottenham ka në dispozicion plot 200 milionë euro.
Një gjë akoma nuk është e qartë, nëse ardhja e Vlahovic tek Tottenham po nënkupton që Harry Kane do të largohet nga Londra.
