Situata e trazuar ekonomike dhe lëvizjet e papritura në merkato kanë bërë që tek Barcelona askush të mos ndihet i sigurt nga largimi.
Pas lajmit që Barcelona është vënë në ndjekje dhe kërkon transferimin e Alvaro Moratas, mediat në Apenine nuk kanë ndalur shkrimet për këtë temë.
Skuadra e Juventusit përveç që po kërkon blerjen e Ousmane Dembeles, tashmë ka hyrë në garë edhe për Memphis Depay, i cili mund të jetë një emër shumë i rëndësishëm për Allegrin.
Holandezi nuk është një emër që pëlqehet shumë nga tekniku Xavi Hernandez.
Ndërkohë që Alvaro Moratan e njeh shumë mirë prej kombëtares spanjolle ku kanë qenë pjesë së bashku vite më parë.
Negociatat mes Juventusit dhe Barcelonës shpesh kanë qenë të suksesshme dhe nuk përjashtohet edhe këtu mundësia që Depay të përfundojë shumë shpejt në Torino.
