Duhej të ishte një merkato “koprace” me surpriza, po bëhet një seancë në të cilën tifozët e Empolit nuk jane te lumtur.
Dhe kështu, pas thashethemeve për negociatat me Torinos për Riccin, sirenat kumbojnë nga Roma, Napoli dhe Milano…
Lazio i Maurizio Sarrit kërkon Andrea Pinamontin. Thashethemet qarkullojnë prej ditësh, por prej disa orësh janë intensifikuar. Biancocelestët po kompletojnë shitjen e Muriqit dhe zëvendësuesi ideal sipas logjikës së Tares është numri blu 99.
Operacioni është i mundur? Varet. Empoli ka marrëveshje me Interin deri në fund të sezonit, por Nerazzurrët marrin gjysmën e pagës së sulmuesit.
Nëse negociatat me Lazion do të intensifikoheshin, mund të lindin probleme, por është e nevojshme që Lotito të vendosë dorën rëndë në portofol.
Pinamonti po kalon një sezon të jashtëzakonshëm, me synimin që në fund të sezonit të rikthehet te Nerazzurri.
Me pak fjalë, Lazio duhet të përdorë argumente bindëse për ta nxitur atë të ndryshojë mendje dhe për këtë arsye, tani për tani, tifozët mund të jenë të qetë.
Bajrami – Mesfushori sulmues refuzoi transferimin te Sassuolo dhe arsyeja duket se lidhet me interesin e dyfishtë të Milanit dhe Napolit.
U fol për një propozim prej 10 milionë eurosh që vinte nga Sassuolo për të bindur Empolin për ta shitur atë në janar. Tashmë kërkesa do të kishte shkuar në 12 dhe nuk do të flitej më për mundësinë e largimit tani, por për një operacion që do të përfundonte në qershor.
Bajrami në këtë pikë ka një probabilitet të lartë për të qëndruar në Empoli deri në fund të kampionatit, pas së cilës pashmangshëm është i destinuar të largohet. Milani do të lëvizte tani në përpjekje për të parashikuar rivalët e tyre, por nuk ka shenja të gatishmërisë së kuqezinjve për ta pasur shqiptarin tani!
