Steven Bergwijn te gjiganti italian!
Sulmuesi holandez, Steven Bergwijn sipas të gjitha gjasave do të largohet nga Tottenham në fund të sezonit.
Bergwijn u transferua te Spurs në janar të vitit 2020 për 30 milionë euro nga PSV, por këtë sezon ka luajtur vetëm 723 minuta.
24-vjeçari nuk bën pjesë në planet e Contes dhe në verë drejtuesit do ta nxjerrin në shitje.
E përditshmja italiane Gazzetta dello Sport, shkruan se nga kjo situatë kërkon të përfitojë Milani.
Rosonerët janë në kërkim të përforcimeve në sulm dhe Maldini e ka piketuar Bergwijn si përforcimin ideal.
Bergwijn është i ri në moshë dhe Rosonerët mund ta transferojnë për 15 milionë euro.
