Negociatat e kampionëve të Italisë me Bruges për De Ketelaere pritet të vazhdojnë edhe për pak kohë.
Në fakt, nuk është shënuar asnjë përparim, me Milanin dhe klubin belg në pozicionet e tyre.
Kuqezinjtë vazhdojnë të ofrojnë 32 milionë, duke përfshirë bonuset, përkundrejt një kërkese prej 35 milionë eurosh si bazë nga belgët. Tymi gri doli edhe dje, pas kontaktit të fundit mes dy klubeve.
Në këtë kontekst ka një person që do të donte ta thyente këtë ngërç: vetë lojtari. De Ketelaere ka zgjedhur kuqezinjtë dhe sigurisht që po përjeton një situatë të re, sipas vetë trajnerit të Bruges, Carl Hoefkens.
Kampionët e Belgjikës, në fakt, do të përballen nesër me Genkun për ndeshjen e parë të kampionatit të “Jupiter League”, me mesfushorin-sulmues që duhet ta nisë nga pankina. Nëse pista De Ketelaere nuk realizohet, Milani do të kthehej me vendosmëri në alternativat luksoze: Ziyech dhe Zaniolo.
