Lajm bombastik nga Italia, Marcus Rashford transferohet në Serie A.
Marcus Rashford, mund të largohet nga Old Trafford në fund të sezonit, sipas raportimeve të fundit.
Rashford ka realizuar 5 gola dhe 3 asistime në 8 ndeshje të luajtura këtë sezon, por Erik Ten Hag nuk i ka dhënë dritën jeshile drejtuesve të United që tia rinovojnë kontratën 24-vjeçarit.
Mediat italiane, kanë lëshuar një lajm bombastik duke shkruar se Juventus dhe Milan synojnë transferimin e anglezit në merkaton e verës.
Rosonerët e shohin anglezin si pasardhësin ideal të Leaos, i cili pritet të largohet nga San Siro.
Juventus nga ana tjetër konsiderohet si favorit për të siguruar shërbimet e Rashford, pasiqë Biankonerët janë të gatshëm ti ofrojnë pagë më të lartë anglezit.
Mbetet ta shohim nëse Rashford do ta rinovojë kontratën me United apo do ta vazhdojë karrierën në Itali.
