Inzaghi bën gati valixhet, Inter ka gjetur trajnerin e ri.
Me dy fytyra, dyshuese, plot dritë-hije… Gjejeni vetë metaforën për performancën e Interit në këtë sezon, por fakti mbetet se ajo ka qenë, është dhe mbetet e luhatshme.
Zikaltrit barazuan me Salarnitanën në xhiron e 29-të në Serie A dhe për momentin renditen në pozitën e 5-të.
Calcio Mercato ka lëshuar një lajm të bujshëm duke shkruar se drejtuesit e Interit kanë gjetur trajnerin e ri.
Sipas Calcio Mercato, në rast se Interi eleminohet nga Benfica në Champions, Inzaghi do të shkarkohet menjëherë.
Drejtuesit e Interit, janë të gatshëm t’ia besojnë stolin, Thiago Mottas, i cili aktualisht është duke e drejtuar Bologna-n.
Motta po bën një punë të shkëlqyeshme te Bologna këtë sezon duke u renditur në pozitën e 8-të në Serie A, pozitë e cila siguron kualifikimin në Europa League.
