Lajm i bujshëm nga Anglia, Sandro Tonali largohet nga Milani.
Sandro Tonali ishte njëri nga lojtarët më të mirë te Milani sezonin e shkuar. Mesfushori realizoi 2 gola dhe 10 asistime në 48 ndeshje të luajtura.
Tonali ka kontratë me Neroaxurët deri në vitin 2027, por sipas raportimeve të fundit 23-vjeçari mund të largohet nga Milani.
Newcastle synon të bëjë një goditje të madhe në merkato, në funksion të përforcimit të mesfushës.
Pas tentativës së pasuksesshme për të siguruar shërbimet e Nicolò Barella, i konsideruar i patransferueshëm nga Interi, ‘magpies’ kanë vënë në shënjestër një tjetër lojtar italian për mesfushën.
Siç raporton ‘The Athletic’, klubi anglez ka bërë përparësi Sandro Tonalin, “dirigjentin” e Milanit të Stefano Piolit.
Sipas medias angleze, oferta e parë prej 50 milionë eurosh ka mbërritur tashmë për skuadrën kuqezi në këmbim të kartonit të ish-lojtarit të Brescia.
Newcastle po përpiqet me gjithçka për të bërë një nënshkrim të bujshëm, për ta përballuar sa më mirë garimin në Champions League, i cili u bë i mundur falë vendit të katërt të marrë në Premier League, që është arkivuar së fundi.
