Derbi në merkato takon i takon Juventusit, Giuntoli mposht Marottan.
Përveç garës për Scudetto, Juventus dhe Inter duelojnë shpeshherë edhe në merkato.
Tiago Djalo dukej një lojtar që i ishte premtuar Interit për verën e ardhshme, por zikaltrit po tentojnë ta afrojnë nënshkrimin me të në janar.
Mirëpo në orët e fundit po bëhen përpjekje për ta transferuar tek Juventusi. 23-vjeçari i lindur në vitin 2000 dhe me kombësi portugeze, aktualisht luan për Lille.
Kontrata e tij skadon më 30 qershor, por Zonja e Vjetër po përpiqet t’i sigurojë shërbimet e futbollistit në këtë merkato janari.
Bardhezinjtë janë gati të paguajnë një shumë të caktuar për kartonin, që do të shkonte në arkat e Lille.
Klubi francez gjithashtu do të ishte i gatshëm ta shiste, për të maksimalizuar përfitimin nga kartoni i tij.
Në ditët në vijim do të kuptohet nëse lëvizja do të jetë e suksesshme dhe, në rast të blerjes së Tiago Djalo nga “Zonja e Vjetër, drejtuesit e Juventusit do të duhet të vendosin nëse do ta përfshijnë menjëherë në ekipin e parë apo ndoshta do ta huazojnë diku tjetër për gjashtë muajt e ardhshëm.
