Milan sakrifikon Theo Hernandezin.
Theo Hernandez ka mbajtur profil të lartë në ekipin e Milanit, pavarësisht pozicionit si mbrojtës linje.
Deklaratat me nota të larta besnikëri ndaj kuqezinjve kanë ndryshuar kohët e fundit, duke ia lënë radhën pasigurive.
Bayern Munich trokiti verë e shkuar në bordin e milanezëve, por italianët u treguan kategorik, duke refuzuar çdo ofertë.
Problemet ekonomike, të shoqëruara me borxhe në shuma të frikshme kanë ndezur sirenat e “alarmit” në ekipin e Stefano Piolit.
Bëhet fjalë për 250 mln euro që priten të shlyhet nga 19 herë kampionët e Italisë. Nëse mungon transferimi i kësteve të prapambetura, FIFA do futet në lojë, duke sanksionuar në tregun e transferimeve, çka do i bllokonte Milanit blerjen e lojtarëve.
Sipas “Corriere dello Sport”, Bayern Munich nuk po gjen qetësi me mbrojtësin Alfonso Dejvis dhe afrimi i Teo Hernandezit do të ishte “bast” suksesi në Mynih.
Kontrata e Theos me gjigantët italianë përfundon në verën e vitit 2026 dhe mediumi ekspert i “transfermarkt” e vlerëson kartonin e 26-vjeçarit me 55 mln euro.
Bajerni është i gatshëm të shkojë përtej kuotës së mësipërme duke ofruar 70 milionë euro, pasi zhvendosja e Dejvisit do “frynte” arkat e gjermanëve në verë, ku duhet marrë parasysh fakti se lojtari në fjalë është i lidhur me kalimin te Real Madrid.
