Memphis Depay transferohet në Serie A.
Memphis Depay dhe Atletico Madrid kanë vendosur që të ndajnë rrugët me njëri-tjetrin, me lojtarin holandez që do të largohet nga Madridi si agjent i lirë.
Në kontratën e Depay nuk ka opsion për zgjatje automatike edhe për një sezon, me Memphis që do të jetë i lirë të zgjedhe klubin e tij të ardhshëm.
Por, momentalisht 30-vjeçari është i fokusuar të bëjë sa më mirë me Holandën në Euro 2024.
Sipas Calciomercato, Milan është vënë në lëvizje për të siguruar shërbimet e Depay me parametra zero.
Kujtojmë që në këtë sezon me Atletico Madrid, Memphis Depay ka zhvilluar 31 ndeshje, në të cilat ka shënuar 9 gola dhe ka asistuar në 2 të tjerë.
