Andre Lunin në Serie A.
Portieri ukrainas, Andre Lunin, ishte protagonist me Real Madridin këtë sezon, duke fituar La Ligan dhe Ligën e Kampionëve.
Lunin ishte portieri i tretë te Reali në fillim të sezonit, por pas lëndimit të Courtois dhe paraqitjeve të dobëta të Kepa, ukrainasi u bë zgjedhja e parë e Ancelottit.
Falë paraqitjeve të shkëlqyeshme me Realin, Lunin ka përfunduar në shënjestrën e gjigantit italian.
Calciomercato, ka lëshuar një lajm bombastik duke raportuar se Inter do të tentojë transferimin e Lunin në merkaton e verës.
Zikaltërit janë në kërkim të një portieri dhe Marotta do të tentojë afrimin e Lunin edhe për faktin se kontrata me Realin i skadon në vitin 2025.
