Inter pa frena në merkato.
Tani që ardhjet e Mehdi Taremit, Piotr Zielinskit dhe Josep Martinez janë finalizuar, Interi vazhdon të punojë per merkaton e transferimeve të sezonit të ardhshëm, duke u fokusuar kryesisht në një përforcim të mëtejshëm për vijën e sulmit.
Pas marrëveshjes me Genoan për transferimin e Martinez, Inter po punon për afrimin e Albert Gudmundsson.
Sulmuesi islandez realizoi 16 gola dhe 5 asistime në 37 ndeshje sezonin e shkuar, ndërsa për kartonin e tij Genoa kërkon 30 milionë euro.
Zikaltërit janë në bisedime me Genoan dhe së shpejti pritet që të arrijnë marrëveshje për transferimin e Gudmundsson në Milano.
Transferimi i Gudmundsson do të jetë përforcimi i katërt i Interit për sezonin e ri.
