Milan ka gati goditjen e rradhës.
Drejtuesit e Milan, që prej ditës së djeshme ndodhen në Madrid, nuk kanë mbyllur vetëm marrëveshjen për transferimin e sulmuesit spanjoll Alvaro Morata. Kuqezinjtë, në fakt, bënë një anketë fillestare për Mario Hermoso, i cili u lirua nga Atletico Madrid në qershor.
Javët e fundit, Interi dhe Napoli kishin bërë lëvizje në lidhje me lojtarin, por fillimisht duhet të shesin një nga qendërmbrojtësit e tyre të tepërt. Hermoso, 29 vjeç, do të ishte alternativa e Pavlovic të Salzburgut për Milanin.
Ish-qendërmbrojtësi i Atletico është pa kontratë, ndaj bëhet fjalë për një transferim me koston zero. Lojtari kërkon një kontratë trevjeçare (të paktën) me vlerë jo më pak se 5 milionë euro në sezon.
Interi ka kohë që është jashtë skenës dhe, pavarësisht humbjes së Cabal, do të fokusohej në një profil më të ri. Conte e pëlqen shumë lojtarin, por palët janë ende të largëta për sa i përket pagës (Napoli ofron rreth një milion).
