Bomba e merkatos së verës, Inter dhe Juventus shkëmbejnë yjet e tyre.
Federico Chiesa tek Interi dhe Davide Frattesi te Juventusi.
Zërat për një shkëmbim të mundshëm mes sulmuesit dhe mesfushorit (me një rregullim në favor të klubit zikaltër) kanë marrë formë në orët e fundit, edhe falë përçarjes mes ish-lojtarit të Fiorentinës dhe Thiago Motta, si dhe interesimit të Marotta për një goditje të mundshme pa kosto në vitin 2025, kur “djalit të artit” i skadon kontrata.
Sipas “Tuttosport”, megjithatë, gjërat mund të përshpejtohen tashmë në këtë seancë tregu me një shkëmbim që do të ishte i përshtatshëm për të dy trajnerët.
Sepse Inzaghi do të donte ta niste sezonin me të paktën një lojtar më shumë përpara, që ka karakteristikat e driblimit të shpejtë dhe shpejtësinë, ndërsa Motta kërkon një mesfushor të aftë për të ndryshuar ritmin.
“Por, nisur nga kushtet kontraktuale, sa do të ishte rregullimi financiar në favor të Interit?
Pak më pak se 10 milionë euro, edhe pse kaq shumë faktorë janë të përfshirë në këtë dinamikë, saqë të hamendësosh një shifër është operacion shumë kompleks”, – shkruan gazeta torineze.
