Ancelotti transferon yllin e Interit te Reali.
Alessandro Bastoni në shënjestrën e Realit. Calciomercato, shkruan se Carlo Ancelotti i ka kërkuar Florentino Perezit një mbrojtës verën e ardhshme dhe ylli i Inter-it është një nga objektivat kryesorë.
Si gjithmonë, klubi zikaltër nuk ia mbyll dyert një lamtumire të mundshme, por bën të ditur se një transferim do të jetë i mundur vetëm për një ofertë të madhe, pra të paktën tetëdhjetë milionë euro.
Los Blancos janë të gatshëm të ofrojnë shumën e kërkuar nga Interi dhe për Bastonin ky sezon sipas të gjitha gjasave do të jetë i fundit me fanellën zikaltër.
