Casemiro transferohet në Serie A.
Mesfushori brazilian Casemiro është treguar i gatshëm për një transferim te skuadra e Romës në Seria A, një lëvizje që pritet të finalizohe në ditët e mbetura të merkatos së janarit.
Duket se edhe te Manchester United janë të gatshëm ta lënë lojtarin të lirë të largohet në formë huazimi, sipas kushteve të vendosura nga klubi verdhekuq.
Në fakt, tek United preferojnë ta shesin përfundimisht Casemiro, por ende nuk ka pasur asnjë ofertë të kësaj natyre deri më tani. Ndërkohë që Roma prej disa ditësh ka kërkuar informacione për lojtarin.
Bisedimet duket se po marrin hov orët e fundit dhe palët po diskutojnë për disa kushte që mund t’i mundësojnë Romës blerjen e kartonit të lojtarit në fund të sezonit.
32-vjeçari ka një kontratë me “djajtë e kuq” që skadon në verën e vitit 2026.
