Tashmë nuk është më befasi që Milan është i gatshëm të dëgjojë ofertat për yllin e tyre Rafa Leao dhe nëse ndonjëra prej tyre është bindëse, portugezi do të largohet nga kuqezinjtë.
Për Leao-n interesohen shumë klube të mëdha, por dy më të interesuarit për momentin janë Barcelona dhe Chelsea.
Mediat spanjollë raportojnë se Barcelona ofron 40 milionë euro plus Ferran Torres, një propozim interesant për Milan-in.
Ndërkohë raportimet që vijnë nga Anglia ditën e sotme, nga burime pranë klubit të Chelsea-s, bëjnë me dije se “Blutë” janë të gatshëm të ofrojnë 100 milionë euro për kartonin e portugezit.
Por nuk mbaron me kaq, pasiqë Blutë e Londrës synojnë edhe transferimin e Tijjani Reijnders.
Për kartonin e holandezit Chelsea është e gatshme të ofrojë 70 milionë euro.
Mbetet ta shohim nëse Rosonerët do të heqin dorë nga dyshja e tyre për 170 milionë euro.
