Shkëmbim spektakolar: Bisseck bëhet Rosoner, ylli i Milanit te Interi

Bomba e merkatos së verës, Milan dhe Inter shkëmbejnë yjet e tyre.

Jemi mësuar që derbi mes Milanit dhe Interit është tepër i zjarrtë në fushën e lojës apo edhe në tribuna, por këto dy ekipe sfidohen shpeshherë edhe në merkato.

Calciomercato, lëshoi një lajm bombastik disa ditë më parë, duke zbuluar interesimin e Milanit për mbrojtësin e Interit, Yann Bisseck.

Tani Calciomercato, ka shkuar edhe më tutje duke raportuar se në këtë operacion mund të përfshihet edhe një futbollist i Milanit.

Bëhet fjalë për mesfushorin e Rosonerëve, Yunus Musah, për të cilin zikaltërit kanë shfaqur interesim para se ai të transferohej te Milani.

Musah mund të përfshihet në operacion për të ulur koston e transferimit të Bisseck te Milani.

Inter kërkon 40 milionë euro në këmbim të Bisseck, ndërsa me Musah, Milan do të ofronte vetëm 20-25 milionë euro.

 

LEAVE A REPLY

Please enter your comment!
Please enter your name here