Arda Guler në Serie A.
Mesfushori i Real Madridit, Arda Guler, duket se kërkon një transferim në Itali sezonin e ardhshëm.
Lojtari turk pritet të kërkojë një largim në huazim këtë verë pas një sezoni të vështirë për sa i përket minutave të lojës.
Mediat italiane raportojnë se Inter ka zhvilluar bisedime paraprake me agjentët e turkut, pasi mesfushori është një nga dy objektivat e drejtuesve italianë.
Arda Guler e ka bërë të qartë se kërkon më shumë minuta dhe kjo mund ta nxisë të largohet. 20-vjeçari ka pasur vështirësi për të luajtur, sepse Ancelotti nuk ia beson rolin e titullarit.
Corriere dello Sport raporton se zikaltrit kanë kontaktuar me Guler dhe e kanë pyetur nëse e mendon veten në San Siro. Reagimet e deritanishme kanë qenë pozitive.
