Zbulohet transferimi i parë i Paraticit te Milani.
Milan dhe Fabio Paratici kanë arritur një marrëveshje verbale, kështu që sapo të përfundojë e gjithë dokumentacioni, italiani do të bëhet drejtori i ri sportiv i Rossonerëve.
Ish-drejtori i futbollit te Juventusi, Paratici, pritet të emërohet si drejtori i ri sportiv i Milanit në javët e ardhshme, pasi palët arritën një marrëveshje verbale të mërkurën.
Paratici është ende duke vuajtur një ndalim 30-mujor, i cili përfundon zyrtarisht në korrik 2025.
Ai do të rikthehet në Serie A pas katër vitesh. Paratici u largua nga Juventusi në 2021 pas 11 vitesh në klub dhe nëntë titujve të fituar në Serie A.
Calciomercato, ka lëshuar një lajm bombastik duke zbuluar super përforcimin e parë të Paraticit te Milani.
Sipas Calciomercato, qendërmbrojtësi i Bayer Leverkusen, Piero Hincapie do të jetë goditja e parë e Paraticit si drejtor sportiv i Rosonerëve.
Hincapie ka tërhequr vëmendjen e gjigantëve europian si Reali dhe Liverpooli me paraqitjet e tij, ndërsa për kartonin e tij Rosonerët do të paguajnë 40 milionë euro.
