Gjiganti italian në bisedime të avancuara me Liverpoolin për Darwin Nunez.
Napoli ka avancuar në bisedimet për transferimin e sulmuesit të Liverpoolit, Darwin Nunez, sipas gazetarit të njohur Fabrizio Romano.
Pas kontakteve fillestare, klubi italian ka kaluar tashmë në fazën e negociatave serioze me përfaqësuesit e lojtarit.
Nunez pritet të largohet nga Anfield gjatë kësaj vere, pasi nuk ka arritur të konsolidohet si titullar i padiskutueshëm te ‘The Reds’.
Për sulmuesin uruguaian ka interes edhe nga klubet e Ligës Profesionale Saudite, të cilat janë të gatshme të bëjnë oferta të mëdha.
Megjithatë, Napoli duket më i vendosur dhe po përpiqet ta bindë 25-vjeçarin për t’u transferuar në Serie A.
Gjatë sezonit të kaluar, Nunez realizoi shtatë gola dhe dha shtatë asistime në 47 paraqitje në të gjitha garat.
Shumica e paraqitjeve të tij erdhën nga stoli, duke shtuar spekulimet për një largim të mundshëm në merkaton e verës.
