Gati bomba e verës: Nga Interi te Milani, çfarë tradhëtie.
Një emër i ri pritet ti shtohet listës së lojtarëve që kanë veshur fanellën e dy klubeve të Milanos gjatë karrierës së tyre.
Jemi mësuar që derbi mes Milanit dhe Interit është tepër i zjarrtë në fushën e lojës apo edhe në tribuna, por këto dy ekipe sfidohen shpeshherë edhe në merkato.
Hakan Calhanoglu bëri bujë të madhe në verën e vitit 2021 kur vendosi që nga Milani të kaloj në rradhët e Interit dhe tani Rosonerët mund t’i hakmirren zikaltërve.
Calciomercato, ka lëshuar një lajm bombastik duke raportuar se Milani po mendon për transferimin e Francesco Acerbit.
Acerbi nuk bën pjesë në planet e Chivu dhe zikaltërit pritet ta prishin kontratën duke paguar 500 mijë euro.
37-vjeçari do të jetë futbollist i lirë dhe Allegri e sheh si opsion shtesë për repartin e mbrojtjes.
