Rosonerët pa frena në merkato.
Milani është shumë aktiv në merkato dhe kuqezinjtë duan ta kompletojnë skuadrën e tyre sa më shpejt të jetë e mundur për t’i dhënë Allegrit një ekip shumë konkurrues të aftë për të kërkuar menjëherë një vend në Ligën e Kampionëve por ndoshta dhe synimin e titullit.
Rosonerët kanë siguruar tashmë shërbimet e Ricci, Modric, Terraciano dhe Estupinan, ndërsa sipas raportimeve të fundit, Tare do të hidhet në sulm për transferimin e bomberit të ri.
Sipas Calciomercato, sulmuesi anglez Dominic Calvert-Lewin ka përfunduar në orbitën e Rosonerëve.
28-vjeçari është futbollist i lirë pas 10-të sezoneve me fanellën e Evertonit dhe Tare synon afrimin e tij me parametra zero.
