Bomba e merkatos, Milan dhe Juventus shkëmbejnë yjet e tyre.
Milani ka nevojë për një tjetër sulmues dhe emri që po fiton gjithnjë e më shumë terren është ai i Dusan Vlahovic.
Midis klubit kuqezi dhe Juventusit prej kohësh ekziston një kanal komunikimi i hapur, i cili tani mund të konkretizohet në operacion real.
Sipas asaj që raporton sot “Gazzetta dello Sport”, po merr formë ideja e një shkëmbimi, që do të zgjidhte nevojat teknike të të dyja skuadrave.
Juventusi ka nevojë për të përforcuar mbrojtjen dhe Milani mund t’i ofrojë Malick Thiaw, një qendërmbrojtës i ri dhe premtues, që pëlqehet shumë nga bardhezinjtë.
Nga ana tjetër, Vlahovic do të përfaqësonte profilin ideal për të kompletuar repartin ofensiv të Milanit, duke u vendosur përkrah Santiago ‘El Bebote’ Gimenez.
Një shkëmbim i barabartë që, të paktën në letër, mund t’i kënaqë të gjithë: Milanin, Juven, dhe dy lojtarët e përfshirë.
Megjithatë, pengesat janë dy: vlerësimet e kartonëve dhe paga e sulmuesit serb. Milani, në fakt, nuk dëshiron të devijojë nga politika e vet e pagave dhe do t’i kërkojë Vlahovicit të pranojë ulje krahasuar me të ardhurat aktuale.
Ndërkohë, në Milanello është gati fanella me numrin 9, në pritje që negociatat të hyjnë në fazën vendimtare. Javët në vijim do të jenë vendimtare për të kuptuar nëse kjo hipotezë do të bëhet realitet.
