Përveç fokusimit në Serie A, Milan i ka sytë edhe nga merkato.
“Calciomercato.com” raporton se objektivi i madh i kuqezinjve është Rayan, sulmuesi i Vasco de Gama në Brazil.
19-vjeçari i cili ka shënuar 16 gola në 46 ndeshje në sezonin e fundit ka tërhequr vëmendjen e disa klubeve të mëdha, mes tyre edhe të Milanit.
Max Allegri e pëlqen shumë sulmuesin e ri brazilian dhe ka kërkuar nga drejtuesit e klubit transferimin e tij.
Kontrata e Rayan me Vasco de Gama skadon në vitin 2026, ndaj te Milan po punojnë për të finalizuar marrëveshjen që në merkaton e janarit.
Ideja e kuqezinjve është që lojtari të vazhdojë deri në fund të këtij sezoni të klubi brazilian dhe më pas në verë të vijë në Itali.
