Marotta mbetet duarbosh, Tare ia rrëmben objektivin e merkatos
Jemi mësuar që derbi mes Milanit dhe Interit është tepër i zjarrtë në fushën e lojës apo edhe në tribuna, por tashmë këto dy ekipe sfidohen shpeshherë edhe në merkato.
Si Interi ashtu dhe Milani janë në kërkim të një qendërmbrojtësi, teksa është pikërisht ky i fundit që do të bëhet “mollë sherri” për dy ekipet e Milanos.
Milan është përfshirë në garë për qendërmbrojtësin e Sassuolos, Tarik Muharemovic, i cili është në orbitën e Interit që nga merkato e janarit.
Muharemovic po shkëlqen te Sassuolo këtë sezon dhe Milan synon ta rrëmbejë atë para Interit.
Sassuolo kërkon më së paku 30 milionë euro për Muharemovic, ndërsa 50% e kartonit të tij zotërohet nga Juventusi.
