Andy Robertson në Serie A.
Pavarësisht se ka dy emra në krahun e majtë të mbrojtjes si Pervis Estupinan dhe i riu Davide Bartesaghi, Milan po mendon të forcojë më shumë këtë repart dhe ndaj është futur në garë për transferimin e mundshëm të Andy Robertson.
32-vjeçarit i skadon kontrata në fund të këtij sezoni me të kuqtë dhe do të largohet si lojtar i lirë.
Megjithatë, Milan nuk është ekipi i vetëm në garë. Disa klube po e monitorojnë gjithashtu situatën, duke përfshirë Atlético Madrid, Tottenham dhe Celtic.
Duke ditur se bëhet fjalë për një lojtar me përvojë të madhe dhe mbi të gjitha transferimi i tij me kosto zero, sigurisht që do të ishte një lëvizje e mirë nga ana e kuqezinjve.
