Për Rafael Leao flitet vazhdimisht dhe nuk mund të ishte ndryshe.
Paraqitjet e tij janë nën sytë e gjysmës së Europës. Do të mjaftonte të shikonim shifrat për të kuptuar se sa vendimtar ishte Leao për Milanin dhe Pioli-n në këtë pjesë të parë të sezonit.
Portugezi në fakt është joshës për shumë klube, veçanërisht falë 6 golave dhe 9 asisteve të tij mes Serisë A dhe Champions League. Sulmuesi i krahut praktikisht ka kontribuar në një gol për ndeshje, kur kemi parasysh se ka marrë pjesë në 17 ndeshje me kuqezinjtë.
Shumë skuadra janë gati të bëjnë gjithçka për të dhe Milan do të duhet të mbrojë veten për t’i rezistuar sulmeve nga jashtë dhe, ndoshta, të gjejë një zëvendësues të denjë.
Nga Londra po përflitet se drejtuesit e rinj janë gati të provojnë gjithçka për ta marrë Rafael Leao te Chelsea që në janar. Në fakt, duket se drejtuesit e Milan-it janë gati të marrin një ofertë prej 120 milionë eurosh, përfshirë edhe bonuset, për portugezin.
Chelsea është në vështirësi në Premier League, veçanërisht kur marrim parasysh pokerin që pësoi kundër Brighton-it të De Zerbit dhe humbjen nga Arsenali në derbin e Londrës.
Kuqezinjtë, nga ana tjetër, do të kujdeseshin të gjenin menjëherë një plan b dhe do të kishin identifikuar Cody Gakpo si një zëvendësues të mundshëm të portugezit.
Milani ka hipotezuar një ofertë prej 40 milionë plus bonuse për t’i bërë PSV-së për kartonin e holandezit me origjinë nga Togo. 23-vjeçari ka bërë gjithsej 16 asiste dhe 13 gola në 22 ndeshje dhe po bën shkëlqen, duke i vënë në vështirësi të gjithë kundërshtarëve.
Nuk do të jetë e lehtë për Milan-in të bindë drejtuesit e Eindhoven, edhe sepse kontrata e Gakpo do të skadojë në vitin 2026 dhe PSV mund të rrisë çmimin. Ndërkohë, Pioli pret në ankth.
