Milani vazhdon të fitojë dhe merr suksesin e tretë radhazi në Serie A pasi kishte fituar ndaj Bolognas dhe Torinos.
Milan bind me rezultatin 1-2 në transfertën e Romës, me Rosonerët që e dominuan pjesën më të madhe të ndeshjes.
Njëri nga lojtarët që shkëlqeu mbrëmë ishte Rade Krunic, i cili e ka nisur sezonin e ri në mënyrë fantastike.
Mesfushori boshnjak ishte i lidhur me një largim nga Milani gjatë kësaj vere, por Pioli vendosi ta mbajë atë me çdo kusht në skuadër.
Ky vendim i Piolit ka dhënë frytet e veta me Krunic, i cili ka bindur drejtuesit për ti ofruar rinovimin e kontratës edhe për një vit dhe rritje page.
Sipas gazetarit italian Daniele Longo, Milan do t’i ofrojë Krunicit zgjatjen e kontratës deri në vitin 2026 dhe dyfishin e pagës 2.2 milionë euro në sezon.
Krunic aktualisht fiton 1.1 milionë euro në sezon dhe kontrata i skadon në vitin 2025.
