Interi po mban frymën për gjendjen e Lautaro Martinez.
Sulmuesi i zikaltërve u detyrua të zëvendësohej në fillimin e kohës shtesë, në ndeshjen e Kupës së Italisë kundër Bologna, menjëherë pas golit të Carlos Augusto, për shkak të një problemi në kofshën e majtë.
Argjentinasi doli duke prekur ijën e tij, më pas aduktorin, i cili tashmë ishte trajtuar më parë nga stafi mjekësor, iu fashua.
Ai u shfaq mjaft i dëshpëruar sapo u ul në stol dhe dukshëm duke çaluar kur ishte koha për t’u ngritur dhe inkurajuar shokët e skuadrës, të cilët në fund u mposhtën 2-1 dhe u eliminuan nga Kupa e Italisë në 1/8 finale.
Reflektimin e parë për gjendjen e tij e bëri Simone Inzaghi, në fund të ndeshjes: “Duket lodhje, edhe pse duhet vlerësuar.
Mjekët janë mjaft të qetë, megjithatë, të shohim, kanë mbetur edhe 72 orë deri në ndeshjen ndaj Lecce. Le të shikojmë orët në vijim…”
