Gasperini largohet nga Atalanta, por mbetet në Serie A.
Atalanta shkroi historinë, duke fituar trofeun e parë europian, pas triumfit me rezultatin e pastër 3-0 ndaj Bayer Leverkusenit në finalen e Europa League në Dublin.
Gian Pierro Gasperini i dha leksion Xabi Alonsos duke e dominuar ndeshjen në çdo aspekt, ndërsa pas ndeshje foli edhe për të ardhmen e tij: “Le ta shijojmë suksesin e këtij sezoni, nuk e di se çfarë do të ndodhë sezonin e ardhshëm.”
Kjo deklaratë ka ndezur edhe më tepër spekulimet për largimin e tij nga Atalanta, ndërsa Calciomercato, ka lëshuar një lajm bombastik duke raportuar se Gasperini ka përfunduar në shënjestrën e Milanit.
Rosonerët janë në kërkim të një trajneri të ri, pasi njoftuan largimin e Piolit dhe do të tentojnë afrimin e Gasperinit, në rast se ky i fundit ndërpret bashkëpunimin me Atalantën.
