Këto ditë janë shumë vendimtare për merkaton e Milanit.
Drejtuesit po punojnë t’i sjellin të tjera përforcime Paulo Fonsecas pas Alvaro Moratës dhe mbrojtësit Pavlovic.
Edhe pse vetëm takime miqësore, sukseset e kuqezinjve përballë Manchester Cityt dhe Realit të Madridit kanë ngrohur disi atmosferën. Puna e trajnerit të ri po jep frytet e para dhe optimizmi është shtuar.
Tani merkatoja, pasi kontingjenti duhet forcuar dhe operacionet e nisura duhen mbyllur. Dhe te Milani kanë gati 3 goditje sipas raportimeve të Gazzetta dello Sport.
Bëhet fjalë për Emerson Royal (Tottenham), brazilianin që do të forcojë linjën e djathtë të prapavijës, por jo vetëm.
Në mesin e fushës do të zbarkojë francezi Youssouf Fofana nga Monaco, ndërkohë që afër është edhe marrëveshja për portierin Scuffet.
Dëmtimi i Sportiellos ka ndikuar që drejtuesit e Milanit të hidhen në sulm për “gardianin” e ishullorëve të Cagliarit.
