Janari është afër dhe merkatoja e Juventusit po përjeton horizonte të reja.
Qëllimi i përbashkët në “Continassa” nuk është vetëm për të forcuar mbrojtjen, në mes të emergjencës pas lëndimeve të Bremer e Cabal. Në planet e Giuntolit, skuadra duhet të përmirësohet edhe në mesfushë, padyshim në sulm, për t’i dhënë Thiago Motta-s një zëvendës të Vlahovic, duke pasur parasysh pasigurinë e rikuperimit të Milik.
Një nga emrat e preferuar, pjesë e kampionatit italian, mbetet Lorenzo Lucca. Pas lëvizjes së tij të pasuksesshme tek Ajax, golashënuesi po shijon një sezon shumë pozitiv, me 6 gola në emër të tij dhe vlerësim dukshëm në rritje në treg. Udinese, siç e dimë, nuk ka ndërmend ta shesë atë në janar, ndaj ka shtyrë çdo diskutim të këtij lloji deri në qershor 2025.
Megjithatë, me siguri do të bëhen tentativa të reja nga bardhezinjtë, për të kuptuar kostot e marrëveshjes. Mundësia e dimrit quhet Beto. Portugezi nuk e ka gjetur dot veten në Angli, ndaj Evertoni është i hapur për shitjen e tij. Ndër të tjera, Giuntoli e njeh mirë futbollistin në fjalë, sepse e ka ndjekur edhe në kohën e “mbretërimit” të tij te Napoli.
Megjithatë, reparti më i prekur bga dëmtimet mbetet mbrojtja. Në këtë repart priten dy përforcime, ndonëse për korsitë e jashtme mund të përdoren burime të brendshme. Ëndrra për të zëvendësuar Bremer mbetet Tah, kontrata e të cilit skadon në vitin 2025.
Qendërmbrojtësi gjerman i Bayer Leverkusenit ka shumë oferta, disa të rëndësishme, pa harruar komisionet e kërkuara nga agjenti i tij Pini Zahavi. Bayern Munich e ka ndjekur atë për disa kohë dhe është gati të bëjë gjëra të çmendura për ta mposhtur konkurrencën e Real Madridit, Barcelonës dhe klubeve të Premier League. Bëhet fjalë për një “ankand” ndërkombëtar, të monitoruar edhe nga Interi i Simone Inzaghi, i cili do ta rinovojë repartin e pasmë në qershor.
Një tjetër reflektim në javët e fundit ka të bënte me mesfushën e Juventusit. Plani është shtimi i një futbollisti dinamik dhe me intensitet. Një si Ferguson. Vetë skocezi përfaqëson një “keqardhje” për Juventusin. Siç dihet, lëndimi i tij sezonin e kaluar prishi planin e Cristiano Giuntolit, i cili ishte gati ta merrte në Torino, i shtyrë edhe nga afeksioni i Thiago Motta.
Bisedimet me përfaqësuesit e mesfushorit ishin në një fazë shumë të avancuar. Fagioli përfundoi si element shtesë në dialogun mes dy klubeve, e ardhmja e të cilit mbetet e panjohur deri më sot. Ish-lojtari i Cremonese është kthyer nga tre stolat radhazi, nuk u thirr nga trajneri Spalletti në kombëtare, edhe pas dëmtimit të Ricci.
Sigurisht, sot nuk është e lehtë të gjesh hapësirë në mesfushën e Thiago Motta me Thuram dhe Locatelli, por dështimi i periudhës së fundit, në fakt ndez tregun e transferimeve për të lindurin më 2001, i vlerësuar shumë nga drejtori sportiv Sartori dhe gjithashtu në radarët e disa klubeve të huaja.
