Milan-i ka marrë një fitore të pabesueshme kundër Parma-s, duke e mbyllur ndeshjen me rezultatin 3-2 falë një dy golave në minutat e fundit.
Edhe pse paraqitja nuk ka qenë shumë e mirë, tri pikët janë ajo që ka më shumë rëndësi. Megjithatë, një episod i pakëndshëm ka karakterizuar fundin e ndeshjes dhe është kapur nga telekamerat.
Pas fërshëllimës së trefishtë të arbitrit, mes trajnerit Sergio Conceicao dhe Davide Calabria ka patur një përplasje të ashpër dhe është dashur ndërhyrja e stafit dhe lojtarëve për t’i ndarë.
