Thiago Motta nuk ka më vend te Juventusi.
Trajneri, i cili deri para një viti konsiderohej “trend” në trajningun modern me idetë e tij të reja, nuk po funksionon.
Juventusi ka vendosur ta shkarkojë teknikun. Ai jo vetëm që nuk ka marrë rezultatet e pritura në Torino, por e ka ndarë skuadrën në disa grupe dhe kjo nuk tolerohet nga klubi.
Igor Tudor do të jetë emri i përkohshëm në stolin bardhezi. Tekniku ka pranuar të punojë deri në fund të sezonit në “Allianz Arena”, derisa Juventusi të gjejë zgjidhje më afatgjata.
Ai nuk ishte alternativa e parë për drejtuesit e klubit, por emrat e tjerë të tentuar nga “Zonja e vjetër”, si Roberto Mancini, nuk kanë pranuar projekt afatshkurtër.
