Juventus ka shkarkuar Thiago Motta-n dhe ia ka besuar skuadrën Igor Tudor-it deri në fundin e sezonit.
Ish-mbrojtësi i bardhezinjve nuk pritet të qëndrojë në drejtim të skuadrës pas përfundimit të këtij sezoni dhe Giuntoli duket se ka një listë për pasardhësin.
Sipas mediave italiane, emri në krye të listës është Antonio Conte. Trajneri aktual i Napoli-t ka shkruar në të kaluarën faqe të rëndësishme të historisë së tij si trajner me bardhezinjtë.
Megjithatë, nuk do të jetë aspak e lehtë të bindet Conte për shkak të kontratës që ka me Napoli-n.
Emri i dytë në listë është ai i Gian Piero Gasperini, i cili do të largohet nga Atalanta në fund të sezonit.
Emri i tretë është ai i Marco Baroni-t, trajneri i Lazio-s. Nuk ka akoma siguri në lidhje me të ardhmen e tij në drejtim të bardhekaltërve dhe një telefonatë nga bardhezinjtë mund ta tundojë.
