Roberto Mancini , ish-trajneri i Interit dhe i ekipit kombëtar italian, mund të bëhet trajneri i ri i Milanit këtë verë.
Football Italia raporton se Mancini është ndër kandidatët për pozicionin që së shpejti do të mbetet bosh te Rossonerët.
Milani planifikon të ndahet nga trajneri aktual Sergio Conceicao këtë verë dhe po kërkon të fillojë një cikël të ri me një specialist italian.
Roli më i fundit i Mancinit ishte ai i trajnerit kryesor të ekipit kombëtar të Arabisë Saudite, të cilin e la në fund të tetorit të vitit të kaluar.
Andaj, Milani ka shpresën se Mancini është njeriu i duhur për të rikthyer skuadrën në majat e futbollit italian dhe evropian.
Calciomercato, ka shkuar edhe më tutje duke zbuluar përforcimin e parë të Mancinit te Rosonerët.
Sipas Calciomercato, Mancini dëshiron që në skuadër të ketë mesfushorin e Atletico Madrid, Rodrigo De Paul.
Argjentinasit i skadon kontrata me Atletico Madrid në vitin 2026 dhe Rosonerët mund ta transferojnë këtë verë për rreth 20 milionë euro.
