Milan ka gati përforcimin e parë për merkaton e janarit.
Skuadrat e mëdha europiane nuk shqetësohen vetëm për rezultatet e fushës, por edhe për merkaton e janarit.
Mes skuadrave më aktive është edhe Milani me drejtuesit që kanë piketuar përforcimin e parë për afatin dimëror.
Sulmi i Rosonerëve po shfaq probleme të shumta këtë sezon me Gimenez dhe Nkunku që nuk po përmbushin pritshmëritë.
Calciomercato, ka lëshuar një lajm të bujshëm duke raportuar se Milan synon transferimin e Jean-Philippe Mateta nga Crystal Palace.
Sulmuesi francez ka realizuar 8 gola dhe 2 asistime në 21 ndeshje të zhvilluara këtë sezon, ndërsa kontrata me Crystal Palace i skadon në vitin 2027.
Rosonerët janë të gatshëm të ofrojnë 30 milionë euro në merkaton e janarit dhe marrëveshja pritet të arrihet me lehtësi.
