Pas kualifikimit në Champions, te Milan kanë filluar të punojnë për skuadrën e sezonit të ardhshëm.
Rosonerët kanë siguruar shërbimet e Mike Maignan, i cili do ta zërë vendin e Donnarummës, ndërsa janë pranë transferimit të Olivier Giroud nga Chelsea.
Calcio Mercato, raporton se Maldini ka gjetur përforcimin e duhur për krahun e djathtë të sulmit.
Milan ka nisur sulmin për transferimin e Domenico Berardit nga Sassuolo. Berardi ka luajtur 30 ndeshje këtë sezon, ka realizuar 17 gola dhe ka bërë 8 asistime.
Te Milan e shohin 26-vjeçarin si përforcimin ideal për vijën e sulmit dhe kanë përgatitur ofertën për ta bindur Sassuolon.
Rosonerët do tia ofrojnë Sassuolos kartonin e Matteo Gabbias dhe 20 milionë euro për Berardin.
Calcio Mercato, shkruan se bisedimet do të fillojnë së shpejti dhe se marrëveshja pritet të arrihet me lehtësi.
