Paolo Maldini duket i ‘dashuruar’ me Londrën dhe pikërisht me skuadrën e Chelseas ku Rossonerët kanë shumë objektivë për të transferuar këtë verë.
I pari padyshim që është Fikayo Tomori i cili është me një këmbë në San Siro dhe mund të bëhet përfundimisht pjesë e kësaj skuadre për një shifër prej 28 milionë eurosh.
Emri i dytë është ai i sulmuesit francez, Olivier Giroud i cili edhe përkundër rinovimit ka të drejtë të largohet nga Stamford Bridge këtë verë.
Hakim Ziyech është emri i fundit pasi Thomas Tuchel është i gatshëm për të hequr dorë nga ai për shkak të paraqitjeve jobindëse sezonin e kaluar.
Milan nuk është e vetme në këtë garë pasi për të gjithashtu është e interesuar edhe Napoli, mirëpo prezenca në Champions League për sezonin e ardhshëm i jep më shumë siguri kuqezinjëve në këtë garë.
