Arsenali ka vazhduar me fitore në Ligën e Evropës, teksa ka marrë edhe të katërtën në po aq ndeshje.
Gjiganti anglez ka triumfuar me lehtësi 0-3 nga udhëtimi në Norvegji përballë Moldes.
Përkundër rasteve të shumta, pjesa e parë përfundoi ashtu siç filloi me rezultatin e barabartë 0-0.
Me të filluar pjesa e dytë, Topçinjtë realizuan dy gola brenda pesë minutave për të siguruar tri pikët e radhës.
Joe Willock asistoi bukur në minutën e 50-të për Nicolas Pepe i cili shënoi brenda zonës së rreptësisë për 0-1.
Pesë minuta më vonë, Willock përsëri asistoi kësaj radhe për Reiss Nelson i cili nga afërsia ngriti rezultatin në 2-0 për Arsenalin.
Pas epërsisë së dyfishtë, trajneri Arteta largoi disa nga lojtarët kryesorë nga ndeshja duke inkuadruar të rinj të talentuar.
Emil Smith Rowe asistoi bukur për talentin Folarin Balogun i cili shënoi në minutën e 83-të, për 0-3.
Me këtë fitore, Arsenali është në krye të grupit B me 12 pikë të grumbulluara dhe ka siguruar matematikisht kalimin nga ky grup.
Ndeshjen e ardhshme Topçinjtë e zhvillojnë në shtëpi përballë Rapid Vjenës, ndërsa Molde pret Dundlakin.
