Shkëmbim spektakolar: Brozovic në Londër, ylli i Chelsea te Interi

Inter dhe Chelsea kanë gati shkëmbimin spektakolar.

Inter mbrëmë e eleminoi Milanin nga Kupa e Italisë dhe Neroaxurët u kualifikuan në gjysmëfinale.

Zi-kaltrit nuk kanë kryer asnjë përforcim në merkaton e janarit dhe sipas raportimeve të fundit mund të shohim një shkëmbim spektakolar.

Portali i njohur italian Calcio Mercato, raporton se Inter dhe Chelsea mund të shkëmbejnë Marcelo Brozovicin dhe Jorginhon.

Është trajneri i ri i Chelsea, Thomas Tuchel, ai që ka kërkuar transferimin e Brozovic dhe Blutë e Londrës janë të gatshëm tia ofrojnë kartonin e Jorginhos.

Brozovic është një titullar i padiskutueshëm te Interi dhe Neroaxurët janë të gatshëm ta lënë të lirë vetëm nëse përkrah kartonit të Jorginhos, Blutë e Londrës do të ofronin edhe një shumë parash.

Vështirë se marrëveshja do të arrihet këtë merkato, por në verë sipas të gjitha gjasave klubet do të zhvillojnë bisedime.

 

LEAVE A REPLY

Please enter your comment!
Please enter your name here