Kriza financiare e shkaktuar nga Covidi ka goditur të gjitha klubet e futbollit.
Një ndër klubet e goditura nga kriza është edhe Interi. Neroaxurët nuk kanë paguar pagat e lojtarëve për disa muaj dhe madje është raportuar edhe për shitjen e klubit.
Mirëpo Suning nuk dëshiron të heq dorë kaq shpejt nga Interi dhe ka gjetur zgjidhjen për të balancuar financat e klubit.
Sipas raportimeve të fundit, Inter planifikon ta shesë Achraf Hakimin në merkaton e verës.
22-vjeçari ka impresionuar me paraqitjet e tij te Interi, ndërsa interesim për të kanë shfaqur Chelsea dhe Arsenal.
Neroaxurët janë të gatshëm ta shesin marokenin për shumën e 50 milionë eurove, shifër kjo aspak problematike për gjigantët e Londrës.
