PSG merr një tjetër lajm të keq në kuadër të ndeshjes së kthimit ndaj Bayern Munchen në Champions League.
Klubi ka konfirmuar se kapiteni Marquinhos ka një dëmtim në këmbën e djathtë dhe do të mungojë ndaj Strasbourg këtë fundjavë.
Për ndeshjen ndaj Bayernit ende nuk ka një konfirmim zyrtar, por sipas gjasave Marquinhos nuk do të jetë i gatshëm.
Përveç mbrojtësit brazilian, ekipi parizien vuan edhe mungesën e Verrattit e Florenzit, që të dy me COVID-19.
Gjithsesi, deri të martën ndoshta njëri prej lojtarëve mund të rikuperohet, edhe pse duket gati e pamundur.
Ndeshja e kthimit çerekfinale mes PSG dhe Bayern do të luhet në “Parc des Princes” mbrëmjen e së martës. Sfida e parë përfundoi 2-3 në favor të kampionëve të Francës.
