Alessio Romagnoli në shënjestrën e Tottenham.
Mbrojtësi i Milanit, Alessio Romagnoli duket se i ka ditët e numëruara në San Siro.
26-vjeçari e ka humbur vendin e titullarit te Milani dhe sipas të gjitha gjasave do të largohet pas përfundimit të sezonit.
Sipas raportimeve të fundit nga Spanja, Tottenham synon transferimin e italianit dhe madje kanë përgatitur ofertën për Milanin.
Spurs do tia ofrojnë Rosonerëve kartonin e Davinson Sanchez në këmbim të Romagnolit.
Milan ka shfaqur më parë interesim për Sanchez dhe Rosonerët janë të gatshëm ta pranojnë ofertën e Spurs.
Bisedimet do të fillojnë së shpejti dhe marrëveshja pritet të arrihet me lehtësi.
