Paulo Dybala këtë verë do të largohet nga skuadra e Juventusit për tu transferuar tek rivalët e Interit.
Sulmuesi i Zonjës së Vjetër ka një kontratë që skadon në vitin 2022 dhe kjo verë pritet të jetë vendimtarja për të ardhmen e tij për shkak se interesimi i Interit është rritur ndjeshëm javët e fundit.
Beppe Marotta po punon për ta sjellë atë në Milano dhe një gjë e tillë nuk duket të jetë shumë e vështirë duke parë pozitën në të cilën gjendet ai tek Biankonerët.
Marrëdhëniet e këqija me Andrea Pirlon kanë bërë që argjentinasi mos të mendojë më për të qëndruar tek kampionët e Serie A dhe transferimi tek liderët e Scudetos do të jetë një plagë që do lërë gjurmë të thella.
